Канадын эрдэмтэд усан доорхи хайгуулынхаа явцад гүний хайгуулын роботын тусламжтайгаар Кубын эргээс холгүй, далайн ёроолд, өнөөх алдарт Бермудын гурвалжингийн дор аварга том хот байгааг, олж илрүүлсэн байна.
180 орчим метрийн гүнд байгаа эртний аварга хотыг лавтай 10 мянган жилийн өмнөх хот гэж таамаглаж байна. Живсэн энэ том хотын төвд сфинксийн хэд хэдэн баримал, дөрвөн ч том пирамид –цац суварга байгаагийн нэг нь шилэн хийцтэй юм байна. Өөр бас юуг илэрхийлсэн нь мэдэгдэхгүй хэд хэдэн баримал, байгууламж бий гэнэ.
Сэтгүүлч Луис Фернандесийн тэмдэглэснээр бол энэ хотыг хэдэн арван жилийн өмнө илрүүлсэн ч 1962 оны Кубын хямралаас болоод судалгааны ажлыг хойшлуулжээ. Энэ орчимд байж байгаад асар хүчтэй газар хөдлөл ч юм уу, далайн түвшний ус дээшлэх зэрэг гамшгийн улмаас живж үгүй болсон энэ аварга том хот нь Атлантидын домогтой холбоотой байх гэж судлаачид үзэж байна.
“Живсэн Атлантидын гэрч болсон энэ хот бол магадгүй хүн төрөлхтний түүхийг үндсээр нь өөрчилж мэдэх юм” гэж судлаачдын нэг нь хэлсэн байна.