ОХУ-ын Засгийн газар жил бүр дэлхийн 100 гаруй орны олон мянган залууст тэтгэлэг олгодог бөгөөд тэтгэлгийн шалгалтыг жил бүрийн гуравдугаар сард авдаг байсан.

ОХУ-ын Засгийн газрын тэтгэлгийн журам шинэчлэгдэж байгаа учраас 2013-2014 оны хичээлийн жилд суралцагчдын сонгон шалгаруулалт хойшилогдоод байна.

ОХУ-ын Боловсрол, шинжлэх ухааны яамнаас тус улсын их, дээд сургуульд тэтгэлэгтэй суралцах гадаадын оюутнуудад тавих шаардлага, бүртгэл болон шалгалтын зохион байгуулалт, тэтгэлэгт нэр дэвшигчидийн бүрдүүлэх бичиг баримт зэргийг тогтоосон журмыг баталсаны дараа БШУЯ вэб хуудсаараа дамжуулан олон нийтэд мэдээлэл өгнө.