БНАСАУ “Скад” маягийн бас нэг баллистик пуужингаа зүүн эрэгтээ аваачиж байрлууллаа хэмээн Өмнөд Солонгосын цэргийн эх сурвалжаас үндэслэн Ренхап агентлаг мэдээлсэн байна. Өмнөд Солонгосын тагнуулын мэдээгээр бол дөрөвдүгээр сарын эхээр БНАСАУ дунд тусгалын “Мусудан” хоёр пуужинг зүүн эргийн өмнөд Хамген мужийн алсын удирдлагатай Вонсан харвах суурин дээр байрлуулсан юм.
Умардынхан их удирдагч Ким Ир Сенийхээ төрсөн өдөр дөрөвдүгээр сарын 15-нд пуужин харвана гэж сүрдүүлэн, Пеньян дахь гадаадын дипломат төлөөлөгчдйин газрын ажилтнуудыг эх орноодоо буцахыг анхааруулж байсан юм. Харинөмнөд Солонгосын тагнуулын алба умардынхан пуужингийн ямар нэгэн хөдөлгөөн хийхгүй байна гэж мэдээлсэн юм. Гэхдээ БНАСАУ-ын пуужинт цэрэг гуравдугаар сарын 26-нд тушаал өгсөнчлөн байлдааны бэлэн байдалд байсаар байна гэж мэдээлж байгаа юм. Эх сурвалж “Одоохондоо энэ тушаалыг өөрчлөөгүй болохоор умардынхан пуужин хөөргөж магадгүй юм” гэсэн байна.