ШӨХТГ-ын хамгийн идэвхитэй үйлчлүүлэгчид нь Үүрэн холбооны сүлжээ “Юнител” корпорацийн 100 хувийн хөрөнгө оруулалтай “Юнивишн” компанийн IPTV үйлчилгээ буюу кабелийн телевизийн хэрэглэгчид болжээ. Тус компани нь телевизийн технологийн орчин үеийн шийдлийг хэрэглэгч танд санал болгож, монголын болоод дэлхийн шилдэг сувгуудыг анх удаа HD формат буюу дуу, дүрсний гайхамшигт 1080 пиксел нягтралтайгаар хүлээн авч үзнэ гэж иргэдэд бүтээгдэхүүнээ сурталчилж. Гэтэл сурталчисан шигээ үйлчилгээг тус компанийнхан иргэдэд үзүүлж чадахгүй байна гэж гомдоллох болжээ. Тухайлбал, кабелийнхаа мөнгийг сард бүтнээр нь тооцон авдаг хэрнээ сувгуудаа сард хэдэ хэдэн удаа тасалдаг байна. Мөн дуу дүрс их гацдаг гэх зэргээр ховлох болсон байна. Тиймээс хэрэглэгчид 30 хоногийн мөнгө төлөх боломжгүй гэсэн байр суурьтай байгаа аж.
