Сонгуулийн ерөнхий хороо өнөөдөр 10:30 цагаас Монгол Улсын Ерөнхийлөгчийн сонгуульд нэр дэвшигчдэд үнэмлэхийг нь гардуулна. Зургаа дахь удаагийн Ерөнхийлөгчийн сонгуульд улс төрийн гурван намаас нэр дэвшигчид өрсөлдөхөөр байгаа. Тодруулбал, АН-аас одоогийн Ерөнхийлөгч Ц.Элбэгдорж, МАН-аас УИХ-ын гишүүн Б.Бат-Эрдэнэ, МАХН-аас Эрүүл мэндийн сайд Н.Удвал нар нэр дэвших юм. Сонгуулийн төв байгууллага ч тэднийг нэр дэвшигчээр бүртгэх шийдвэрээ гаргачихаад буй.
Тэд өнөөдөр Монгол Улсын Ерөнхийлөгчийн нэр дэвшигчийн үнэмлэхээ авсанаар сонгуулийн сурталчилгааны ажлаа эхлүүлнэ.