Мэргэжлийн сүмогийн 68 дахь их аварга Асашёорюү, Долгорсүрэнгийн Дагвадорж өнөөдөр АН-д элсч батлахаа авлаа. Тэрээр нутаг дэвсгэрийн харьяаллаараа нийслэлийн Хан-Уул дүүргийн АН-ын хороонд өргөдөл гаргаж тэндээсээ батлахаа авсан байна. Түүнд Хан-Уул дүүргийн АН-ын дарга Батбилэг батлах гардуулахад УИХ-ын гишүүн Х.Баттулга байлцсан байна. Д.Дагвадорж бат илэрхийлэх гардаж авсныхаа дараа АН-д элсч байгаа тухайгаа хамгийн товчхоноор “Миний хувьд түүхэн сонголт хийлээ” гэсэн байна.
Д.Дагвадоржийн ах Д.Сумъяабазар өнгөрсөн хавар болсон УИХ-ын сонгуулиар нийслэлийн Сонгинохайрхан дүүрэгт МАН-аас нэр дэвшин өрсөлдөж, нэр дэвшигчдийн хэн нь ч 28 хувиас дээш санал аваагүй болохоор сая дахин санал хурааснаар УИХ-ын гишүүнээр сонгогдон тангараг өргөөд байгаа юм.