Германд үйлдвэрлэсэн Bagger 288 өөрөө алхагч экскаватор нь энэ дэлхий дээрх хамгийн том машин. Мэдээж, цаг хүн хүч хэмнэсэн бас хамгийн их ажлын бүтээмжтэй энэ техникийн ихэвчлэн нүүрс олборлох, газар доогуур хийн хоолой тавихад ашигладаг. Цагт 10 мянган куб метр хүдэр олборлох чадалтай. 13.5 мянган тонн, 240 метрийн урттай, 96 метр өндөр, 46 метр өргөнтэй энэ “мангас” ойролцоогоор найман давхар байшинтай тэнцэхүйц гэсэн үг. Тус бүр нь 6.6 куб метр багтаамжтай хорь орчим шанагатай. Өдөрт 240 мянган куб метрийн хүдэр олборлоно. Энэ нь хөл бөмбөгийн томоохон стадионыг 10 давхарласантай тэнцэхүйц хүдэр юм. Энэ аймшигт том төхөөрөмжийг газарт шигтгэчихгүйн тулд 3.8 метрийн урттай 12 гинжит ул “тулж” байдаг. Гэхдээ энэ техник тариалангийн талбай дээгүүр үр тариаг гэмтээхгүй ч явж чаддаг нь гайхалтай юм. Гэхдээ маш удаан хөдөлгөөнтэй, өөрөөр хэлбэл, нэг км/цагийн хурдтай гэнэ. Нэг карьераас нөгөө рүү шилжихдээ хэдэн долоо хоногийг зарцуулдаг байна. Түүнээс гадна энэ техникийг ашиглахын тулд багахан хотыг гэрэлтүүлэхүйц хэмжээний эрчим хүч ашигладаг байна. Дөрвөн хүн л үүнийг ээлжлэн ажиллуулах боломжтой төдийгүй экскаватор дотор гал тогоо, ариун цэврийн өрөө бас багагүй хэмжээний цэвэр ус бий.
