Дэвид Бекхэм, Виктория Бекхэм хоёр олны нүдээр бол супер одод боловч үр хүүхдийнхээ хувьд зүгээр л ээж аав нь, жирийн л нэг гэр бүл. Дөрвөн хүүхдийн эцэг эх болсон тэд ч үүргээ сайн биелүүлж, хүүхдүүдээ бусдын адил эгэл жирийн өсгөхийг хичээдэг гэдэг. Үүний нэг тод жишээ гэхэд тэд өчигдөр бага хүү Крузийнхээ сургуульд болсон өдөрлөгт оролцож, эцэг эхчүүдийн тэмцээнд нь хүртэл оролцсон байна. Ээжүүдийн хооронд болсон гүйлтийн тэмцээнд өндөр өсгийттэй Виктория хараахан тэргүүлж чадаагүй бол аавуудын уралдаанд Дэвид Бекхэм хүч тэнцвэргүй “тулаан” хийж, илт давуу түрүүлжээ. Викториятай алдарт дизайнер Стелла Маккартни ч бас уралдсан бөгөөд дуучнаас хавьгүй хурдан гүйж байжээ. 
Гэр бүлийн энэ дурсгалт өдрөө баримтжуулж алдарт хөлбөмбөгчин камерчны
үүрэг гүйцэтгэж, эхнэрээ хэрхэн гүйж байгааг хөгжилтэйгөөр харж суужээ.
Бусад хүүхдүүдийн аав хамаг хүчээ шавхан уралдсан ч Бекхэм тэднийг ядах юмгүй ардаа орхижээ.
Хүүгийнхээ хөлбөмбөгийн тэмцээнийг аав нь бичиж авч байна.
Бекхэмийн бага хүү алдарт дизайнер Стеллагийн хүүхэдтэй нэг сургуульд сурдаг ажээ.
Бяцхан Харпер ч бас ахыгаа дэмжихээр иржээ.
