УИХ-ын чуулганы өнөөдрийн нэгдсэн хуралдаан дээр Үндэсний их баяр наадмын тухай хуульд нэмэлт өөрчлөлт оруулах тухай хуулийн төсөл хэлэлцэх үеэр УИХ-ын гишүүн Ц.Нямдорж наадмыг “Ардын хувьсгал” гэж нэрлэсэнгүй “Үндэсний их баяр наадам” гэж нэрлэлээ хэмээн “агсан тавилаа”.
Тэрээр баяр наадмын нэрийг зориуд “Үндэсний их баяр наадам” гэж нэрлэсэн нь “Ардын” гэсэн үгнээс татгалзаж байгаа хэрэг. Нэртэйгээр нь та нар наадам хийхээ больчих гэж агсан тавилаа. Тэр энэ алдарт үгээ хэлэхдээ түүх мэдэхгүйгээ бас “гайхуулаад” авсан юм. Хоёрхон сургуультай байсан энэ улс орныг чинь Ардын хувьсгал аварсан юм гэж хоолой чахруулан хашгирлаа.
Уг нь жаахан юм уншдаг хүн бол 1911 онд тусгаар тогтнолоо зарласан Богд хаант, Олноо өргөгдсөн Монгол Улсын үед байгуулсан 20 гаруй сургууль байсан юм шүү дээ. Тэр бүү Нийслэл Хүрээнд орос сургууль хүртэл байсан билээ.
Ц.Нямдорж гишүүн монголын ганц хуульч гэж өөрийгөө дөвийлгөн цээжээ дэлддэг хүнсэн, жаахан юм уншиж байвал зүгээрсэн.
Тэрээр хамгийн сүүлд нь “Дахиж Ардын гэсэн үгээр оролдоод үзээрэй. Яс үзнэ шүү” хэмээн заналхийлж үгээ төгсгөлөө.