Өмнөд Солонгосын Сөүл хотноо болсон Зүүн Азийн хөлбөмбөгийн аварга шалгаруулах тэмцээнд түрүүлсэн Хойд Солонгосын эмэгтэй баг тамирчдыг улс нь халуун дотноор угтан авчээ. Тамирчдыг Пеньянд үзэгчид, хөгжөөн дэмжигчид нь угтан авсны дараа тэд Ким Ир Сен, Ким Чен Ирийн хөшөөнд цэцэг өргөжээ.  Эмэгтэй хөлбөмбөгчдийнхөө амжилтыг өндрөөр үнэлж удирдагч Ким Чен Ун тэдэнтэй уулзах үед тамирчид бүгд нулимс унаган баярласан тухай Родон Шинмун сонин мэдээлэв.