Билгийн

Доллар (USD)

Улаанбаатар

Дэлхийн хамгийн завгүй боомт

Чингэлгүүдийг жижиг шоо мэт өрж тавьсан энэ аварга том боомт бол дэлхийн хамгийн өндөр ачаалалтай Шанхайн боомт юм. Хөлбөмбөгийн 470 талбайг нийлүүлсэнтэй тэнцэх хэмжээтэй энэ боомтоор жилдээ 32 сая чингэлэг орж, гардаг бөгөөд 736 сая тонн ачаа зөөх дамжлага болдог байна. Уг боомтын хүчин чадал 2004 онд л гэхэд жилд 14 сая чингэлэг хүлээн авахаар байсан бол өнгөрсөн жилээс 32 сая болж хоёр дахин нэмэгджээ. Хятад улс худалдааны хэмжээ, цар хүрээгээр өнгөрсөн онд АНУ-ыг гүйцэж, дэлхийд тэргүүлсэн шалтгааныг эндээс ядах юмгүй олж харна. Энэ их худалдаа эргэлтийн хүчээр Хятадын экспорт, импорт 2012 онд 3,87 триллион ам.доллар хүрсэн билээ.
Шанхайн худалдаа, боомтын үйл ажиллагаа 1949 оноос Хятадын удирдлагад орсны дараа хэсэг доголдож, буурсан ч 1991 онд хийсэн эдийн засгийн реформын хүчээр дорхноо сэргэж, дэлхийн хамгийн том боомтуудын нэг болсон юм.




0 Сэтгэгдэл
Хамгийн их уншсан