Этиопын алс хязгаарт одоо ч эртний зан үйлийнхээ дагуу амьдарч байгаа Боди омгийнхонд нэгэн өвөрмөц ёс заншил бий. Шинэ жилийн баяраа долдугаар сард тэмдэглэдэг энэ омгийнхон баярын өмнө хамгийн сайхан эрэгтэйг тодруулахаар зургаан сарын турш тэжээлтэй хүнсээр "борддог" байна. Тарган эрийг хамгийн сайхан гэж үздэг бодичууд ганц бие залуу эрчүүдийнхээ дунд хэн хамгийн их жин нэмэхийг үзэх уралдааныг хагас жилийн хугацаатай зарладаг. Ингээд оролцохоор гэр бүл бүрээсээ нэр дэвшин ирсэн залуусыг омгоосоо хол урцанд амьдруулах бөгөөд өдөр бүр тэдэнд идэх хүнсийг нь зөөж өгөөд, юу ч хийлгэдэггүй гэнэ. Гэхдээ тэдний идэх хүнс нь тэр бүр хүний хоолой давахааргүй хэцүү эд байдаг аж. Тэдэнд үхрийн цусыг үнээний сүүтэй хольж өгдөг бөгөөд үүнээс өөр хоол хүнс иднэ гэж байхгүй.
Боди омгийнхон үхрийг ариун шүтээнээ гэж үзэх тул тэдэнд уулгадаг цусыг үхрээ төхөөрч авдаггүй. Үхрийнхээ судаснаас нь цус аваад сүүтэй хольж өгдөг байна. Ингээд зургаан сарын турш үхрийн сүү, цусаар бордуулсан эрчүүд шинэ жилийн баяраар омогтоо ирээд хэн нь хамгийн их таргалснаа шалгуулж, ялагчаа тодруулдаг байна. Үүнд ялсан залуу насан туршдаа омгийнхон дундаа баатар мэт хүндлэгдэн хайрлагддаг гэнэ.
Эл тэмцээний дараа залуус бүгд хэвийн амьдралдаа ордог учир хэдхэн долоо хоногийн дараагаас жингээ хаяж, урьдын биеийн жиндээ орчихдог гэнэ.
Боди эрчүүд эхэндээ цустай хольсон сүүг ууж чаддаггүй ч яваандаа дасч, уралдаанд ялж "баатар" болохын тулд улам ихээр уудаг болдог.
Хэт таргалсэн эрчүүд гэртээ харих замдаа хэдэн цаг явган алхах гэж маш их ядардаг байна.
Өнгөрсөн жилийн ялагч
Боди омгийн бүсгүйчүүд
Тэд хамгийн тарган эрчүүдээс ирээдүйн нөхөр болох залууг хайдаг гэнэ.