Монгол Улсын Ерөнхийлөгч Цахиагийн Элбэгдорж Архивын ерөнхий газраас санаачлан, Соёл, спорт, аялал жуулчлалын яам, Монголын үндэсний музей, Богд хааны ордон музейтэй хамтран зохион байгуулсан “Үндэсний эрх чөлөөний хувьсгалын түүхэнд холбогдох архивын баримт” үзэсгэлэнгийн нээлтэд оролцов.
Монголын үндэсний эрх чөлөө, тусгаар тогтнолоо сэргээн мандуулсны 102 жилийн ойг тохиолдуулан зохиож буй тус үзэсгэлэнгийн нээлтэд Ерөнхийлөгч Ц.Элбэгдорж үг хэлэхдээ “Монгол Улс тусгаар тогтнол, эрх чөлөөгөө сэргээн мандуулсны их ой болж байгаа. Бид энэ түүхэн ойг улс орон даяар ёслол хүндэтгэлтэй тэмдэглэдэг сайхан уламжлал тогтоосон. Харин энэ жил тусгаар тогтнолоо сэргээн мандуулсны 102 жилийн ой тохиож байна. Бид саяхан энэхүү архивын үзэсгэлэнтэй танилцлаа. Эндээс харахад аливаа төрд тулгамдах асуудлуудыг шийдэх арга хэлбэрүүд ойролцоо, ижил төстэй байна. Жишээ нь яамдыг нэг байшинд оруулж, давхцаж буй ажил үүргийг нь нэгтгэсэн байх жишээтэй. Тухайн үед авлига болон хар тамхийг нийгмийн хамгийн буруу үзэгдэл хэмээн үзэж, үүнтэй тэмцэх тухай анхны хууль журам, шийдвэрүүдийг гаргаж байсан.
Дашрамд дурдахад Богд хаант Монгол Улсын түүхэнд холбогдох 237 хөмрөг, 242 данс, 29 мянган хадгаламжийн нэгж Үндэсний төв архивт хадгалагдаж байна.
Мөн Архивын ерөнхий газар, МУИС-ийн Түүхийн тэнхим, Улаанбаатар их сургуулийн Монгол судлалын төв хамтран Үндэсний эрх чөлөөний хувьсгалын 102 жилийн ойд зориулан “Тусгаар тогтнолын төлөөх тэмцэл: үр дүн, ач холбогдол” сэдэвт бага хурал зохион байгуулжээ.
Мөн энэ үеэр Монгол Улсын Ерөнхийлөгч Ц.Элбэгдоржид Архивынхан нэгэн сюрприз барьсныг ерөнхийлөгч фэйсбүүх хуудсандаа орцолсон юм. Тэрээр "Миний анхны хөдөлмөрийн дэвтэр. 18 настай байждээ. Өчигдөр Үндэсний эрх чөлөө, тусгаар тогтнолоо сэргээн тогтоосны 102 жилийн ойн үзмэр үзсэн юм. Архивынханы надад бэлдсэн гэнэтийн бэлэг байв.
Эрдэнэт үйлдвэрт хийн машины цехийн туслах машинист, зсаварчин хийж явлаа. Дөнгөж 10 дугаар ангиа төгсөөд ажилчин ангийн эгнээнд шилжиж байлаа. Тэр үед үсээ урт ургуулах моод байж билээ." гэсэн байсан юм.