Английн Норфолкт Дерин Блэквелл хэмээх 14 настай хүү хоёр ч төрлийн хорт хавдраар өвчилж, эмч нар түүнийг зул сараас өмнө амьсгал хураах байх гэж гэрийнхэнд нь хэлж байжээ. Гэтэл эмч нарын хэлсэн хугацаа аль хэдийнэ өнгөрчихөөд байхад хүүгийн бие муудах нь бүү хэл харин ч өдөр хоногоор сайжирч эмч мэргэжилтнүүдийг гайхашруулах болжээ. Хүү 2010 онд цусны хорт хавдар болон маш ховор тохиолддог Лангерхан хэмээх бас нэг хорт хавдраар өвчилсөн байна. Эмч нар хамаг л эмчилгээгээ түүнд хийж, хоёр удаа чөмөг шилжүүлэх мэс засал хийх гэж оролдсон боловч амжилтгүй болсон учир хүү өдөрт 35 эм уудаг байжээ. Түүнийг шинэ он солигдохоос өмнө хорвоог орхино гэж байсан ч гайхамшиг тохиолдов уу гэлтэй хүүгийн бие өөрөө цусны улаан эсээ үржүүлэж эхэлжээ. Дериний бие одоо урьдынхтай харьцуулахын аргагүй сайжирсан учраас эмнэлэгт хэвтэх ч шаардлагагүй гэж эмч нар хэлжээ. Гэхдээ тэд яаж ийм зүйл тохиолдсоныг тайлбарлаж чадахгүй байна.