ОХУ-ын нийслэл Шереметьевийн нисэх буудалд германаас ирсэн 20 тэрбум евро өнөө хүртэл байгааг Холбооны хамгаалалтын албаны ажилтан баталсан байна. “Энэ 20 тэрбум евро 2007 оноос хойш нисэх буудлын агуулахад байгаа ч хэн ч сурж, авах гэж ирээгүй, харин залилагчид өөрийн болгох гэж байнга оролдож байгаа” гэж тэр эх сурвалж хэлсэн байна. Энэ тухай өмнө нь хэвлэлээр нэг биш удаа бичиж байсан ч баттай эх сурвалж дурдаж, зургийг нь нэг ч удаа нийтэлж байгаагүй юм.

“Германаас онгоцоор ирсэн энэ 20 тэрбум еврог авахаар хэн ч ирээгүй нь үнэн. Тусгай алба эхлээд энэ түүхийг хааж орхисон юм. Ингээд эцэст нь хадгалах байр луу шилжүүлсэн” гэж тэр хэлжээ. Тэгээд тэр зүгээр л “дурсгал” болгож гар утасаараа энэ зургийг авсан гэнэ. Дан 100, 500-тын дэвсгэртээр багцалсан энэ их мөнгө ямартай ч эзнээ хүлээн оросын нийслэлийн нисэх буудалд байсаар байгаа юм байна.  
“Яг нарийн зүйлийг ярих эрх надад байхгүй. Гэхдээ энэ түүх бол яах аргагүй үнэн. Энэ их мөнгийг цаашид хэрхэх тухайд бол тэр дээгүүр л ярьж байдаг байх” гэж тэр нэмж хэлжээ.