Монголчуудын хамгийн их унадаг автомашин бол Toyota. Гэсэн хэдий ч өнөөдрийг хүртэл Toyota-гийн албан ёсны борлуулагч компани Монголд байсангүй ченжүүдийн гар дамжин зах зээлд худалдаалагддаг байсан юм. Тэгвэл өнөөдөр Мөнххада компани Toyota-гийн албан ёсны борлуулагч болж шав тавих ёслолоо хийлээ. Монгол-Японы хамтарсан хөрөнгө оруулалттайаар байгуулагдсан TOYOTA корпорацийн автомашиныг Монголд борлуулах албан ёсны эрхээ авч үйл ажиллагаагаа явуулж эхлэж байгаа энэ ажилд Хакүхо Даваажаргалын оролцоо их аж. Компани шав тавих ёслолд Хакухо аварга М.Даваажаргал, Мөнххада компанийн захирал Батцэрэн, Queen Abto group- ийн захирал Тайра Такуя нарын хүндэт зочид оролцсон юм. Өдгөө дэлхийн 26 оронд 51 үйлдвэртэй, 522 охин компанитай 300.000 гаруй ажилтантай борлуулалтаараа дэлхийд тэргүүлэгч авто үйлдвэрлэгч Toyota ийнхүү Монголын зах зээлд албан ёсны үйл ажиллагаа явуулах болжээ.