Билгийн

Доллар (USD)

Улаанбаатар

Худалдаанд байгаа архи, согтууруулах ундааг шалгаж эхэллээ


Дөрвөн хүн хордлогын шинжтэйгээр өнгөрсөн бямба гарагийн орой “Амьдрах ухаан” төвд биеийн байдал нь хүнд, ямар ч мэдээлэл өгөх чадамжгүй  очсон талаарх мэдээлэл гарсан. Тус төвийнхөн өвчтөнүүдийг  “Энэрэл” эмнэлэгт  хүргэсэн ч гурав нь тус эмнэлэгт, нэг нь Хордлогын үндэсний төвд очоод нас барсан юм. Харин хамгийн сүүлд амьд үлдсэн хоёр иргэн “Арслант” гэх архийг уусан гэж мэдээлсэн нь гэрчийн мэдүүлэг болж үлджээ. Тиймээс “Чин толгой” компанид үйлдвэрлэсэн “Арслант” архинаас дээж авч лабораторийн шинжилгээ хийхээр болсон байна.    
Харин компанийн хувьд 2007 онд тусгай зөвшөөрөл нь хүчингүй болж архи, согтууруулах ундааны үйлдвэрлэл явуулах эрхгүй байжээ. Тиймээс хувь хүмүүс тус архины үйлдвэрийн бүтээгдэхүүний хаяг, шошгыг ашиглан хуурамчаар үйлдвэрлэсэн байж болзошгүй гэсэн таамгыг одоогоор дэвшүүлж байна. Гарсан хэргийн дагуу Мэргэжлийн хяналтын ерөнхий газрын даргын тушаалаар ажлын хэсэг байгуулагдан Мэргэжлийн хяналтын байгууллагын салбар нэгжүүд нийслэл, хөдөө орон нутагт үйл ажиллагаа явуулж байгаа худалдаа, үйлчилгээний цэгүүдэд борлуулж буй архи согтууруулах ундааг шалгаж эхэлжээ.

0 Сэтгэгдэл
Хамгийн их уншсан