Билгийн

Доллар (USD)

Улаанбаатар

Зүрх шимшрүүлж, нулимс дуслуулсан хойд, өмнөдийнхний уулзалт өндөрлөлөө

Жар гаруй жилийн тэртээ салж хагацсанаас хойш ганц ч удаа нүүр учирч байгаагүй аав охин, ах дүүс, нэгэн гэр бүлийнхнийг уулзуулсан Хойд, Өмнөд Солонгосын уулзалт нулимстайгаар эхэлж, нулимстайгаар өндөрлөлөө. Хагас зууны турш хоорондоо сураг чимээгүй явсан гэр бүлийнхэнд ердөө гурав хоногийн хугацаатай хамтдаа байх боломж олгосон энэ ховорхон уулзалтад хоёр талаас нийлээд 700 гаруй ахмад настан иржээ. Дайны хүнд жилүүдэд төөрч сайн муугаа ялгаж чадахгүй төөрөлдөж явахдаа гэр бүлийнхнээсээ хилийн шугамаар тусгаарлагдаж, насан туршдаа хол байх юм чинээ санаагүй эцэг үр хоёр, хамгийн сүүлд салахад сургуульд ч ороогүй байсан дүү нь өөртэй нь ижилхэн өвгөн болчихсныг хараад гайхаж суух ах дүү хоёр, хамтдаа өтөлсөн бол хэчнээн сайхан хэмээн уйлж суух 80, 90 гарсан эгч дүүс энд цугларчээ.

Хүн нэг бүрийн түүхийг сонсвол сэтгэл шимшрүүлэх энэ уулзалтад оролцож, яс махны тасархай болсон гэр бүлийнхэнтэй ганц ч болов уулзъя гэсэн хэдэн арван мянган хүн байдаг. Өмнөд Солонгосын талаас гэхэд энэ уулзалтад хамруулаад өгөөч гэж хүссэн 130 мянган хүн өргөдөл гаргасан байдаг. Гэвч нас дээр гарсан тэдгээр хөгшид өдөр өдрөөр цөөрсөөр одоо 70 мянга нь л амьд сэрүүн үлдэж. Хоёр улсын харилцаа үе үе ширүүсдэг Хойд, Өмнөдийн хувьд хэзээ үүн шиг уулзалт хийх нь тодорхойгүй байдаг учраас тэр олон мянган хүний элгийг дэвтээж амжих нь юу л бол. Өмнөдийн хувьд гэр бүлтэйгээ уулзах гэсэн ахмадуудын нэрийг лотто маягаар сугалж тодруулдаг бол Хойд Солонгосын талын эрх баригчид нь хэнийг оролцуулахаа шийддэг. Олон шат дамжлагатай энэ ажлын эцэст ердөө азтай хэдэн зуун хүн л уулзалтад оролцож чаддаг юм.

Өмнөд Солонгосын зүгээс энэ явдлыг хүмүүнлэгийн үйл хэрэг гэж үзэж, уулзалтыг аль болох олон зохион байгуулахыг хүсдэг ч Хойд Солонгосын хувьд энэ бол улс төрийн асуудал учраас тийм ч амар шийдэгддэггүй. Тийм ч учраас 2010 онд хоёр улсын харилцаа ширүүссэнээс хойш сүүлийн дөрвөн жилийн хугацаанд ийм уулзалт хийгээгүй юм.





Ийм сайхан өдөр уйлаад юу хийх вэ хэмээн охиноо тайвшруулах 87 настай эцэг Намгюн Рёл

Тэрээр Хойд Солонгост амьдардаг бол охин нь Өмнөд Солонгост аж төрдөг аж.

90 шахсан эцэг нь 70 хүрч яваа охиндоо "Эрүүл л байгаарай. Эрүүл байвал дахиад уулзана шүү дээ" гэж захижээ.

Ах дүү хоёр


Өмнөд Солонгост амьдардаг 87 настай Ли Ён Ил Хойдод амьдардаг 84 настай дүүтэйгээ

85 настай Ли О Хван Хойд Солонгост үлдсэн гэр бүлийнхэнтэйгээ

91 настай Ким Сун Кум Хойд Солонгост үлдсэн ах дүүстэйгээ уулзахаар иржээ.

88 настай Өмнөд Солонгосын Ли Сон Хён Хойд Солонгост үлдсэн 74 настай дүүтэйгээ уулзаж байгаа нь

Ах дүүс

Уулзалтад оролцогсдын цуваа Хойд Солонгосыг зорьж байгаа нь



Настнуудыг сэтгэл хөдөлгөсөн уулзалтад оролцохоос өмнө биеийг нь үзэж, эрүүл мэндийг нь хянасан байна.



0 Сэтгэгдэл
hurdan negdeesei :(
huurhii duu yamr ch hetsu yum de.2solongos hurdan negdchmeer um.
mongol ulsiig bas neg l udur bosson chini ar uvur geed gazriig ni hytaduud ard irgedtei ni taslaad avtsan gj bga uvur mongoldchuudiig bi bas ih uruvddug shuu zovjil yvaa mongoliin ard tumen
huurhii duu yamr ch hetsu yum de.2solongos hurdan negdchmeer um.
хараад сэтгэл хөдлөөд өөрийн эрхгүй нулмис урсаж байна. эвий минь гэж дээ. солонгос ч гэсэн хүмүүс шүү дээ. хамгийн залуу нь л гэхэд 70 гарчихсан бүгд л 70-90 гаран насны хүмүүс байна. эвий минь энэ хүмүүсийн буруу гэж юу байгаан бэ. яах гэж ингэж амьдын хагацалд унагаж амьдаар нь тамлаж байгаа юм бэ. 70 өнгөрөөд 90 гарчихсан хүмүүс хэдий удаан амьдрахав дээ. өмнөд хойд 2 өөрсдөө нэгддэгүй юмаа гэхэд ийм хүмүүсээ үхээд цөөрөөд дуусахаас нь өмнө элэгийг нь дэвтээгээд хооронд нь цуг байлгачихаж болдоггүй л юм байх даа. улс төрийхнийх нь золиос иргэд нь болж байх ч гэж дээ
bid l tuuhee sain medehgui bgaa bolohoos ar uvur mongold uldsen ah duus bdag l bsan sh de.
Монгол хүнд л бүү ийм зовлон тохиолдог
Амьдын хагцал хамгийн хэцүү нь байдаг юм гэнэ лээ.ах дүү 2 ийн уулзалт хамгийн сэтгэл хөдөлгөж байна
ямар өрөвдөлтэй юм бэ хараад уншаад өөрийн эрхгүй нулимс урсаж байна
Сонгож болдоггүй хуьь тавилан шүү дээ.
Сонин улс вэ? Яаж солонгост төрчөөгүй юм
Shal balai yumaa neg uls undesten bj negdmeer yum. Avgai nuhur muudaad 2 tiishee harchihsan aytai
ingej amidin tamd unagaj yadag bna.xoer solongos xelex ch vg algoo.
orovdmoor yum
Хөөхийдөө
Хамгийн их уншсан