ОХУ-аас Украиныг түрэмгийлсэн явдлыг Латвийн эрх баригчид хэлэлцээд Путин ямар ч байсан энэ орныг бүрэн эзэлж авах юм байна гэж парламент Сейм нь үзжээ. Үүний зэрэгцээ сеймийн олон депутат Оросын ийм түрэмгийлэл 2008 онд Гүржийг, сая Украиныг эзлэн авснаар хязгаарлагдахгүй тэдний шунан дайрах дараагийн орон нь магадгүй Латви, балтийн орнууд байх нь гэж тооцож байна.

Латвийн Батлан хамгаалахын сайд Раймонд Вейонис энэ тухайд Оросын зүгээс балтийн орнуудад халдах өдөөн хатгалга ойрын үед болж  мэдэх юм гэж үзэж байна. Ийм болохоор Оросын  болзошгүй довтолгооноос хамгаалахын тулд Латви батлан хамгаалах зардлаа өсгөх ёстой гэжээ. Мөн Латвийн эрх баригчид балти орчмын гурван орны хилээр эргүүл хийх НАТО-гийн сөнөөгч онгоцны тоог нэмэгдүүлэх хүсэлт гаргасан байна.