Дэлхийн оюуны өмчийн өдрийг жил бүрийн дөрөвдүгээр сарын 26-нд тэмдэглэдэг. Энэ өдрийг тохиолдуулан Монгол Улсын Оюуны өмчийн газар, Залуу зохион бүтээгч нэвтрүүлгийн хамт олон Чингисийн талбайд зохион бүтээгчдийн яармаг худалдаа зохион байгуулах гэж байна. Яармаг худалдаанд Монголд үйлдвэрлэсэн гадаадад экспортолж байгаа бүтээгдэхүүнүүдийг дэлгэн тавих аж.
Үүнээс гадна “Инновацын шийдэл бидний амьдралд” сэдэвт үндэсний уралдааныг зохион байгуулах юм байна. Оновчтой шийдэлтэй бүтээлийг БНСУ-ын Оюуны өмчийн газраас дэмжлэг үзүүлж, үйлдвэрлэлд нэвтрүүлэх төсөл хэрэгжүүлэх гэнэ. Дэлхийн оюуны өмчийн газраас санаачилсан үндэсний уралдааны эцсийн шалгаруулалт ирэх арваннэгдүгээр сарын 3-5-нд болох юм байна.