Дэлхийн үсчин, гоо сайханчдын холбооноос зохион байгуулдаг “Hair world cup 2014” тэмцээнд манай улсаас зураач, нүүр хувиргагч Л.Цэрэндулам эх орноо төлөөлөн оролцохоор болжээ.
Тэрбээр 2005-2008 онд Үйлдвэр урлалын сургуульд үйлдвэрлэлийн график дизайны анги, 2008-2012 онд СУИС-ийн Тайз дэлгэцийн зураачийн анги, 2012-2014 онд СУИС-ийн Соёлын иргэншлийн сургуульд соёл судлалын магистраар тус тус төгссөн. Мөн 2010 онд “Muugii make up studio” анхан шатны сургалт, 2014 онд “Muugii make up studio” гүнзгий шатыг төгсөж мэргэжлийн нүүр будагч болжээ. Түүний багш монголын мастер гоо сайханч Э.Мөнхбаяр тус тэмцээний шүүгчдийн бүрэлдэхүүнд ажиллаж байгаа юм.
Үс засалт, нүүр будалтын ДАШТ Германы Франкфурт хотноо ирэх тавдугаар сарын 3-5-ны хооронд болох юм.
