Айова мужийн 347 кг жинтэй эмэгтэй турахын тулд реалити-шоунд орох нь өөрийнхөө амийг аврах цорын ганц арга гэж бодож байна гэнэ. Чарити Пирс ингэж таргалснаар одоо хөдөлж ч чадахгүй болоод байгаа ч эмч нар ядаж 226 кг болтлоо турвал түүнд тураах бэлхүүсэвч өмсгөөж болно гэж найдаж байгаа юм.

38 настай энэ эмэгтэйд телевизийн TLC компани реалити-шоуны, бас нэг клиник эмнэлэг санал тавьжээ. Хамгийн харамсалтай нь энэ эмнэлэг өөр мужид байдаг болохоор эмэгтэй ирэх одоо тийшээ очиж чадах эсэх нь тодорхойгүй байна.

Лимфедемийн өвчтэй энэ бүсгүй манай гаригийн хамгийн тарган эмэгтэй болохоор өөрөө явж, ерийн машинд орж чаддаггүй байна. Түүнийг Техас муж руу авч явахын тулд тусгай тэрэг хөлслөх хэрэгтэй болохоор тэрээр одоо 5000 доллар цуглуулах хэрэгтэй болж байгаа юм.

“Эмч нар намайг 280 кг болтол турааж чадна гэсэн болохоор энэ л миний ганц найдвар болж байна. Миний амьдралыг аврах ганц найдвар бол тэр бэлхүүсэвч. Гэтэл би ганц бие ээж, бас зүүн хөлдөө хавдартай, хөгжлийн бэрхшээлтэй. Надад анхарал тавих хүн надаас өөр байхгүй шүү дээ” гэж хөөрхий бүсгүй хандив гуйсан хуудсандаа бичжээ.

Тэгээд бүсгүй тодорхой хэмжээний жин хасч чадвал охиноо хэрхэн өсч байгааг харах, бас 22 настай Тони Сауер гэдэг залуутайгаа гэрлэж хуримаа хийх хүсэлтэй байгаагаа ч бичжээ.

Бид гэртээ л хуримлана гээд хуримын даашинз, кобой гутал, бүрх малгай өмсөөд шөнөжин бүжиглэх хүсэлтэйгээ ч тэрээр сурвалжлагчид ярьжээ.

Пирс бүр 2012 онд эмнэлэгт хандаж YouTube-т зургаа тавин доктор Филтэй уулзахыг хүсч байсан юм.