Америкийн агаарын тээврийн US Airways компанийн зорчигч тээврийн нисэх онгоц Нью-Йоркийн Ла-Гуардиагийн нисэх буудлаас хөөрснийхөө дараахан сүрэг шувуутай мөргөлдсөнөөс  эргэж буухад хүрчээ. Вашингтон орохоор хөөрсөн Airbus онгоцонд 96 зорчигч, багийн таван гишүүн явсан байна. Шалгалтаар онгоц сүрэг шувуутай мөргөлдөж нэг хөдөлгүүрт нь гадны биет орсон байжээ. Онгоц эргэж буухдаа хэвийн бууж, хэн нэгэн бэртэж гэмтээгүй байна.