Кенийн байлдааны онгоцууд Сомалийн өмнөд нутагт байх Жилиб хотыг пуужингаар харваж, агаараас цохилт өгсөн байна. Кенийн онгоцуудын гол бай нь тус хотод лалын хэт явцуу үзэлтнүүдийн бүгсэн байгууламж байсан аж. “ВВС” агентлагийн мэдээлж байгаагаар цохилтын улмаас энгийн номхон гурван хүн амь үрэгдэж, зургаан хүн шархадсан байна. Сомалийг лалын хэт явцуу үзэлтнээс эхлээд дундыг баримтлагч хүртэл янз бүрийн бүлэглэлүүд хуваан эзлээд тус бүртээ де факто тусгаар улс болоод байгаа юм. Кенийн арми олон улсад хүлээн зөвшөөрөгдсөн төв Засгийн газрыг дэмжих зорилгоор 2011 онд Сомалид нэвтэрч байлдааны үйл ажиллагаа явуулж эхэлсэн.