АНУ-ын Ерөнхийлөгч Барак Обама лхагва гарагт Белгийн нийслэл Брюссельд болох “Их долоо”-гийн уулзалтад хүрэлцэн очлоо. Их гүрнүүдийн уулзалт сүүлийн 17 жилийн хугацаанд анх удаа ОХУ-ын оролцоогүй болж байгаа нь энэ.
Лхагва гарагийн орой эхэлсэн дээд хэмжээний уулзалт юун түрүүнээ олон улсын тулгамдсан асуудал, үүн дотор Украинд бий болоод байгаа нөхцөл байдлыг хэлэлцэж эхэлсэн байна. АНУ, Германы тэргүүнүүд энэ удаа ОХУ-д ямар дарамт үзүүлэхээ ярьж байна. Гол асуудал нь эрчим хүчний талаар Хуучин ертөнцийн орнуудыг оросын байгалийн хийгээс аль болох бага хамааралтай болгох явдал гэж  байна. Үүний тулд европын зах зээлд америкийн хий оруулах явдал гэж тэд үзэж байгаа юм байна.