Зургадугаар сарын 28-ны бямба гарагт Италийн Барселон хотын метронд ази төрхтэй нэгэнд халдаж зодсон залууг орос иргэн болохыг Каталоны цагдаагийнхан хяналтын камерын дүрс бичлэг ашиглан тодруулж баривчилсан байна. Халдлагад өртсөн монголын иргэн ням гарагт цагдаагийн газарт өргөдлөө өгсөн гэж испанийн хэвлэлүүдээс иш татан http://noticia.ru сайт мэдээлжээ.  
Монгол залууд халдаж зодсон орос 18 нас хүрээгүй байсан болохоор хэргийг нь насанд хүрээгүйчүүдийн асуудал хариуцсан прокурорт шилжүүлсэн гэж Каталоны тээврийн цагдаагийн газрын тэргүүн Хоаким Баварри хэлсэн байна.
Хоёр найзтайгаа явсан түрэмгийлэгч шаргал үстэй залуу,  ази төрхтэй  эрэгтэйг  эхлээд үг хэлээр доромжлон заналхийлээд дараа нь балбаж эхэлсэн хяналтын камерын дүрс бичлэгт нь үлджээ. Харин зорчигчид танхай эрийг хориглоогүй байна. Түрэмгийлэлд өртсөн монгол залуу Барселоны метроны нэгдүгээр шугамын Fabra i Puig     өртөөнд бууж өөр галт тэргэнд шилжин сууж, цагдаагийн газарт очин болсон явдлыг тодорхой ярьсан байна. Urquinaona өртөөнөөс метронд суусан 25 настай монгол залуу Барселоны дагуул Санта-Колома-де-Граменет хотхонд амьдардаг гээд түрэмгийлэгч болон халдлагад өртсөн залуугийн нэрийг дурдаагүй байна.