2014 оны долдугаар сарын 12-ны өдрийн байдлаар Алтай нуруунаас усжих Ховд гол Мянгад сум орчимд үерийн аюултай түвшинг, Буянт гол Ховд хот, Хөвсгөлийн уулсаас усжих Дэлгэрмөрөн гол Мөрөн хот, Хэнтэй нурууны баруунхажуугийн Туул гол Алтанбулаг сум,Их Хянганы нурууны Халх гол Ялалт баг, Хэнтэй нурууны арын Онон гол Дадал сум, Хэрлэн гол эхээр буюу Мөнгөнморьт сум, Хангайн нурууны өврийн Байдраг гол Баянбүрд сум, Увс нуурын сав Хархираа зэрэг голууд тус тус үерийн түвшинг5-15 см давж, үерийн байдалтай байна. Баяр наадмын өдрүүдэд түр зуурын усархаг аадар бороо орох төлөвтэй байгаа тул жижиг гол, хуурай сайрын сав газар эрэг, сууршин зусаж буй малчид, аялал зугаалгаар явж, амарч буй ард иргэдийг үер усны аюулаас болгоомжтой байхыг сэрэмжлүүлж байна гэж УЦУОХ-гээс мэдээллээ.
