Билгийн

Доллар (USD)

Улаанбаатар

Хэрэглээний бараа үйлчилгээний үнэ өмнөх сарынхаас 0.4 хувиар өсчээ


Статистик мэдээллээс үзэхэд үйлдвэрийн аргаар тооцсон дотоодын нийт бүтээгдэхүүний хэмжээ оны эхний хагас жилд 9856.9 тэрбум төгрөг, 2010 оны зэрэгцүүлэх үнээр 6634.8 тэрбум төгрөгт хүрсэн нь өмнөх оны мөн үеэс 14.6 хувь, зэрэгцүүлэх үнээр 5.3 хувиар өссөн байна. Мөн эцсийн ашиглалтын аргаар тооцсон ДНБ-ний хэмжээ 9429.7 тэрбум төгрөг, 2010 оны зэрэгцүүлэх үнээр 6730.7 тэрбум төгрөгт хүрч өмнөх оны мөн үеэс 11.1 хувь, зэрэгцүүлэх үнээр 5.1 хувиар өсчээ.  
Хэрэглээний бараа үйлчилгээний үнэ улсын хэмжээнд энэ оны долдугаар сард өмнөх сарынхаас 0.4 хувь, оны эхнээс 7.2 хувь, өмнөх оны мөн үеэс 14.9 хувиар өссөн байна. Ерөнхий индекс өмнөх сарынхаас 0.4 хувиар өсөхөд орон сууц, ус цахилгаан, түлшний бүлгийн үнэ дүнгээрээ 2.5 хувь, тээврийн бүлгийн үнэ дүнгээрээ 2.0 хувь, хувцас, бөс бараа, гутлын бүлгийн үнэ дүнгээрээ 0.4 хувь өссөн нь голлон нөлөөлжээ.
Мөнгөний нийлүүлэлт өнгөрөгч долдугаар сарын эцэст 10081.0 тэрбум төгрөг болж өмнөх зургадугаар сарынхаас 26.0 тэрбум төгрөгөөр буурч, харин өмнөх оны мөн үеийнхээс 1992.3 тэрбум төгрөгөөр өссөн байна. Гүйлгээнд байгаа бэлэн мөнгө долдугаар сарын эцэст 859.6 тэрбум төгрөг болж өмнөх сарынхаас 0.5 тэрбум төгрөгөөр буурч, өмнөх оны мөн үеийнхээс 27.4 тэрбум төгрөгөөр өсчээ.

0 Сэтгэгдэл
Хамгийн их уншсан