“VIP taxi service” компани тансаг зэрэглэлийн такси үйлчилгээг иргэдэд хүргэж эхэлжээ. Үйлчлүүлэгчдийн тав тухыг дээд зэргээр хангах зорилгоор энэхүү үйлчилгээг гаргаад удаагүй байгаа аж.

“VIP” таксинууд бүгд  хар өнгийн “соната-7” маркийн машин юм байна. Таксинд угтах үйлчилгээг нэвтрүүлсэн төдийгүй нойтон, хуурай сальфетик, бакус, цэвэр ус зэрэг ахуйн зүйлсийг зорчигчдод зориулан бэлджээ. Үүнийг тухайн зорчигч үнэгүй хэрэглэх гэнэ.Тус компанийн таксинууддаа GPS буюу байршил тогтоох төхөөрөмж суурилуулжээ. Мөн тарифаа метрээр тооцдог байна. Тодруулбал, 100 метрт 300 төгрөг бөгөөд нэг км-т 3000 төгрөгөөр үйлчилдэг аж. Дугуйнд нь тусгай мэдрэгч төхөөрөмж, ухаалаг тоолуур суулгасан  учир жолооч тоолуураас илүү мөнгө үйлчлүүлэгчээс авах боломжгүй гэнэ. Түүнчлэн эл таксинд карт уншигч суурилуулжээ. Удахгүй “WiFi” суурилуулахаар бэлтгэж байгааг тус компанийнхан хэллээ. Цаашид тус компани хүүхдэд зориулан “Kids taxi”, эмэгтэйчүүдэд  “Pink taxi” үйлчилгээг гаргахаар зэхэж буй аж. Хүүхдэд зориулсан таксины үйлчилгээ нь эцэг, эхчүүдийн дуудлагаар хүүхдийг хүргэж өгөх  юм байна.

Дашрамд дурдахад  “VIP taxi service” компани амралтын газар болон нисэхийн урьдчилсан захиалгат дуудлага, дуудлагын жолооч, албан уулзалт болон хуримын цуваанд үйлчлэх машины түрээсийн үйлчилгээг үзүүлж буй аж.