Энэ сарын 1-нд нутгийн өмнөд хэсгээр, 4-нд баруун зүгийн нутгийн зарим, төвийн нутгийн хойд хэсгээр дуу цахилгаантай бороо орно.

Салхи 1-нд говь талын нутгаар, 2-нд баруун зүгийн нутгийн хойд хэсгээр секундэд 12-14 метр, 3-нд зарим газраар, 4-нд баруун зүгийн нутгаар түр зуур секундэд 18-20 метр хүрч ширүүснэ. 1-нд нутгийн зүүн хэсгээр сэрүүхэн бусад хугацаанд дулаарч Хангай, Хөвсгөл, Хэнтийн уулархаг нутгаар шөнөдөө 0-5 градус, өдөртөө 13-18 градус, Их нууруудын хотгор болон говийн бүс нутгийн өмнөд хэсгээр шөнөдөө 12-17 градус, өдөртөө 24-29 градус, бусад нутгаар шөнөдөө 5-10 градус, өдөртөө 20-25 градус дулаан байна.