Иргэд Богдхан уулнаас зөвшөөрөлгүй самар түүсэн, улмаар модноос унаж гэмтсэн, гал алдсан зэрэг цагдаагийн байгууллагад хандах нь  нэмэгджээ.

Хуш модны самрын болц 10 дугаар сарын 15-наас эхэлдэг бөгөөд энэ үеэр самар түүх албан ёсны зөвшөөрөл олгодог байна. Зөвшөөрлийг орон нутгийн Ойн ангиар дамжуулж олгох бөгөөд нэг иргэнд 25 кг самар түүх зөвшөөрөл өгч, 1 кг самар түүх эрхийг 500 төгрөгөөр олгодог аж.

Гэвч зөвшөөрөл авалгүй самар түүсэн иргэд нийслэлийн гудамж, талбайд борлуулалт хийх тохиолдол их байгаа тул Сүхбаатар дүүргийн цагдаагийн 2-р хэлтэс, МХГ, ойн байцаагч хамтран хяналт шалгалт хийж байгаа бөгөөд иргэдийг болц нь гүйцээгүй самар худалдан авахгүй байхыг анхааруулж байна.