Дэлхийн нэгдүгээр дайны үеэр амь үрэгдсэн италийн Нэг сая  цэргийн дурсгалыг хүндэтгэх ёслол дээр Ромын пап Франциск хэлсэн үгэндээ “Дэлхийн гуравдугаар дайн хэдийнээ эхэлчихсэн” гэж тэмдэглэжээ.

Дэлхийн нэгдүгээр дайны үеэр амь үрэгдсэн италийн 1000187 цэргийг нутаглуулсан Италийн зүүн хойд нутаг Редипульед цугларсан олон мянган сүсэгтнийхээ өмн үг хэлсэн пап “Дайн бол ухаангүй явдал” гэж онцолжээ.

Франциск энд хэлсэн үгэндээ “дэлхийн гуравдугаар дайн хэдийнэ эхэлчихсэн, хэсэгчлээд...” гээд дайн бол итгэл найдвар,  үе үеийн хэлхээ холбоог тасалдаг гэсэн байна. Ромын пап энд бас бүхий л цаг үеийн дайнуудын тухай шүүмжлэн ярьжээ. “Дайны гол зорилго нь эвдлэн сүйтгэх. Шунал, тэвчээргүй байдал, засгийн эрхийн төлөөрх улайрал зэрэг нь дайн гарах үндэс болж үүнийгээ цаг ямагт зөвтгөж байдаг юм” гэж хэлсэн байна.
Ромын пап сүүлийн үед Украин, Ирак, Сири, Газын зурвас болон Африкийн орнуудад  болж байгаа зэвсэгт мөргөлдөөнийг хурдан дуусгахыг уриалж байгаа юм.