Нийслэлийн орон сууцны халаалт дулааныг энэ сарын 15-ны өдрөөс олгож эхэлсэн ч зарим хороолол, байрны халаалт ирээгүй байна гэх гомдол гарах болсон. Энэ дагуу Улаанбаатар дулааны сүлжээ ТӨХК-ийн инженерийн албаны дарга Э.Батмөнхөөс тодруулахад, “Манайх дулаанаа бүрэн өгч байгаа. Шугам сүлжээний засвартай холбоотойгоор дулаан саатсан зүйл огт байхгүй. Тиймээс халаалт аваагүй иргэд байгаа бол манай диспетчрийн 11343030 дугаарын утсаар лавлаж болно. Эсвэл харьяа орон сууцны контортоо хандаж лавлаж болно” гэв.