Мөн чуулганы үеэр Бүгд Найрамдах Унгар Улсын Ерөнхийлөгч Янош Адерта йуулзсан юм. Ерөнхийлөгч Ц.Элбэгдорж ирэх жил хоёр улс дипломат харилцаа тогтоосны 65 жилийн ой болж буйг онцлоод Монгол, Унгар орон эртнээс холбоотой, уламжлал ойролцоо улсууд болох талаар ярилаа. Мөн Европдоо Монгол судлалын төв болж явдаг тус улсад оюутан суралцуулах талаар ярилцаж, хоёр улсын оюутнууд хамтран судлах зүйлс олон байгааг дурдав. Энэ үеэр Ерөнхийлөгч Ц.Элбэгдорж Унгар улс Элчин сайдын яамаа Улаанбаатар хотноо дахин нээж, хоёр орны харилцаа улам бүр ойртох боломжтой болсонд талархалтай хандаж буйгаа илэрхийлэв.
Унгарын Ерөнхийлөгч Я.Адерийн хувьд Ерөнхийлөгч Ц.Элбэгдоржийг Давосын эдийн засгийн чуулганы Усны менежментийн хурлыг даргалж байхад нь харж, усыг ариг гамтай ашигладаг нүүдэлчний уламжлалаас суралцах зүйл их байгаа талаар бодож байснаа дурсав.Мөн технологийн салбарт хамтран ажиллаж Биокомбинатын шинэчлэлийг хийхэд хамтран ажиллахад таатай байгаагаа хэллээ. Монгол Улсын Ерөнхийлөгч Ц.Элбэгдорж Миланд болох Ази, Европын дээд хэмжээний уулзалтад оролцоодбуцах үедээ буюу ирэх аравдугаар сарын 17-18-нд Бүгд Найрамдах Унгар улсад хийх ажлын айлчлалын үеэр бусад зүйлийг дэлгэрүүлж ярилцахаар тохирлоо.
