Монголын Ардчилсан хувьсгалын эцэг Санжаасүрэнгийн Зориг ертөнцийн мөнх бусыг үзүүлснээс хойш чилийсэн 16 жил өнгөрч. Олон түмний сэтгэл эмтэлсэн тэр өдөр хорвоод мэндэлсэн хүүхэд өнөөдөр хүмүүнлэг ардчилсан Монгол Улсын иргэний үнэмлэх гардан авч байна.
С.Зориг гэдэг тэр л зоригтой хүний ач буянаар 70 жилийн турш хүний эрхийг боогдуулж байсан коммунистууд хүртэл өнөөдөр гудамжинд жагсч, буйдан дээр суун төр засгаа эсэргүүцэх эрхтэй болжээ.
Иргэн бүр нь хувийн өмчтэй, харь оронд зорчих гадаад паспорттой, үгээ хэлж үзэл бодлоо илэрхийлэх шашнаа шүтэж бишрэх эрхтэй болсон эрх чөлөөт Монголын ард түмэн өнөөдөр энэ хүнийг эргэн дурсч байна.
Нэгэн цагт энэ гайхамшигт хүний “Монгол хүний саруул ухаанд би итгэдэг” гэж хэлсэнчлэн энэ шинэ зуунд Монгол түмэн ардчиллыг дээдлэн улс орноо хөгжүүлэхийн төлөөнөө оюун бодол, хүч чадлаа дайчлан ажиллаж амьдарч явна.
