Билгийн

Доллар (USD)

Улаанбаатар

Шекспир 1700 үг шинээр бүтээжээ

Суут зохиолч Шекспир хүн төрөлхтөний утга зохиолын санг өөрийн гайхамшигт бүтээлүүдээр баяжуулаад зогсохгүй англи хэлний үгсийн санд 2000 шахам үг шинээр нэмсэн  нь түүний хамгийн том гавьяа хэмээн хэлний мэргэжилтнүүд зүй ёсоор үнэлдэг. Шекспирийн бүтээлүүдийг судалсан эрдэмтэн Уоррен Кингийн тооцсоноор Шекспир зохиолдоо 17677 үг хэрэглэснээс 1700 нь англи хэлэнд хамгийн анх удаа хэлэгдсэн, шинэ үгс байжээ. Уран яруу үгсийн сонголт, баялаг хэл найруулгаараа эдүгээ үеийнхнийг ч бишрүүлсээр байгаа У.Шекспир өмнөх үеийнхээ сонгодог зохиол бүтээл, гадаад хэлнээс үг зээлэх, нэр үгийг үйл үг болгон хувиргах, үйл үгийг тэмдэг нэр болгох, өмнө нь хэзээ ч хамт хэрэглэж байгаагүй үгсийг хооронд нь холбох, угтвар, залгавар нэмэх зэргээр шинэ үгсийг бүтээж байжээ. Түүний энэ бүтээлч сэтгэлгээ англи хэлийг улам баялаг, утга төгөлдөр болгоход тусласан гэлцдэг. Оксфордын англи хэлний толь бичигт Шекспирийн бүтээсэн гэх 2000 үгийг тэмдэглэсэн байдаг.

0 Сэтгэгдэл
Хамгийн их уншсан