Билгийн

Доллар (USD)

Улаанбаатар

Хонконгийн тэмцэгчдийг Бээжин рүү орохыг хоригложээ

Хонконгт үргэлжилж буй ардчиллын төлөөх хөдөлгөөний удирдагч гурван оюутныг Бээжин рүү зорчихыг хоригложээ. Тэд Бээжинд очиж, улсынхаа эрх баригчидтай уулзах төлөвлөгөөтэй байсан боловч Хонконгоос нисэх гэхэд нь саад хийж, БНХАУ-ын нийслэл рүү нэвтрүүлэхгүй хэмээн мэдэгдсэн байна. Ийнхүү Бээжинд очих эрхээ хасуулсан гурван оюутны дунд Хонконгийн оюутны холбооны тэргүүн Алекс Чоу байгаа юм. Тэрээр Хятадын эрх баригчидтай шууд яриа хэлэлцээ хийж, Хонконгт өөрсдийн удирдагчаа сонгоход нь илүү эрх чөлөө олгохыг шаардах гэж байжээ. Тэднийг үдэж өгөхөөр олон зуун жагсагч хөдөлгөөнийхөө бэлгэ тэмдэг болсон шүхэр барьцгаасаар иржээ. Хонконгийн шүхэрт хөдөлгөөний жагсагчид өнгөрсөн есдүгээр сараас хойш суулт зарлаж, эсэргүүцлээ илэрхийлж байгаа боловч одоо хүртэл ямар нэг дорвитой үр дүнд хүрээгүй байгаа. Тэд 2017 онд болох Хонконгийн захирагчийн сонгуульд нэр дэвшигчийг Бээжингээс сонгоно гэсэн шийдвэрийг ийн эсэргүүцэж байгаа билээ.

0 Сэтгэгдэл
хүнээ багтаахаа байсан Хятад орон эднийг авч хэлэлцэх үү
Хамгийн их уншсан