Билгийн

Доллар (USD)

Улаанбаатар

XXI зууны “Титаник”-ууд

Өнгөрсөн 14-ний өдөр Нью-Йорк хотноо амралт аяллын Royal Caribbean компани Quantum of the Seas хөлөгт нэр өгөх ёслол боллоо. Энэ хөлөг аравдугаар сарын 10-нд анхны аялалдаа гарч Атлантын далай гатлан  Английн Саутгемптоноос  Нью-Йорк хүрсэн юм.
ХХ зууны хамгийн том хөлөг анхны аяллаараа мөсөн уул мөргөж осолдсон Титаник хөлөг 269 метр урттай, 1178 зорчигчийн суудалтай байсан  юм. Ингэхэд манай гариг дээр өнөөдөр хамгийн том хөлөг онгоцны тоонд  ямар ямар хөлөг орж байна вэ.

1.    Хамгийн том 10 хөлгийн жагсаалтын эхний байрыг Royal Caribbean компанийн Oasis of the Seas болон  Allure of the Seas гэсэн ихэр хоёр хөлөг. 2009,2010 онд барьсан, 362 метр урт, 6296 зорчигч тээдэг, 225282 тоннын усан багтаамжтай.

2.    Norwegian Epic компанийн Norwegian Cruise Line хөлөг. 2010 онд барьсан энэ хөлөг 329 метр урт, 5183 зорчигч тээдэг. 155873 тоннын усан багтаамжтай.

3.    Мөн л Royal Caribbean компанийн Quantum of the Seas хөлөг. Энэ онд усанд тавьсан, 347,1 метр урттай, 4905 зорчиг тээдэг. 168666 тоннын усан багтаамжтай.

4.    Royal Caribbean-ийн Freedom of the Seas, Independence of the Seas и Liberty of the Seas гэдэг гурван хөлөг. 2006 онд барьсан, 339 метр урт, 4375 хүн тээх хүчин чадалтай, 154407 тоннын усан багтамжтай.

5.    2004 онд барьсан хамгийн хуучин гэж болох Cunard компанийн Queen Mary 2 хөлөг. 345 метр урт, 3090 зорчигч тээдэг. 148528 тоннын усан багтаамжтай.

6.    Norwegian Cruise Line компанийн Norwegian Breakaway хөлөг. 2013 онд барьсан, 324 метр урт, 3988 зорчигч тээдэг, 146600 тоннын усан багтаамжтай.

7.    Энэ бол Norwegian Breakaway-ийн дүү гэдэг Norwegian Getaway хөлөг. 2014 онд барьсан, 3910 зорчигч тээдэг, 145655 тоннын усан багтаамжтай.

8.    Princess Cruises компанийн ихэр хоёр хөлөг Royal Princess болон  Regal Princess хөлгүүд. 2013, 2014 онуудад барьж усанд таьсан. 330 метр урттай,  3560 хүний суудалтай. 141 мянган тоннын усан багтаамжтай.

9.    Princess Cruises компанийн Regal Princess хөлөг 2014 оны тавдугаар сард  ашиглалтад орсон. 330 метрийн урттай.

10.    Италийн MSC Cruises компанийн MSC Preziosa,  MSC Divina гэдэг хоёр ихэр хөлөг 10-т орж байна. 2012, 2013 онд жил дараалан ашиглалтад орсон энэ хоёр хөлөг 333 метр урттай, 3502 хүний суудалтай, 139072 тоннын усан багтаамжтай.

0 Сэтгэгдэл
Хамгийн их уншсан