Билгийн

Доллар (USD)

Улаанбаатар

Түүхийн дурсгал дээр нэрээ сийлээд шоронд


Аливаа улс түүхий дурсгалт зүйлдээ маш ариг гамтай ханддаг хуультай. Дийлэнх улс гүрний иргэд энэ хуулийг ямар нэг албадлага, заналхийлэлгүйгээр чин сэтгэлээсээ биелүүлдэг. Гэвч дэлхий даяар түүхийн дурсгалт барилга байгууламж, байгалийн үзэсгэлэнт газар гэсэн үнэлгээ авсан объектүүдийг өөрийнхөө нэрийг мөнхлөх сайхан боломж гэдэг хүн мундахгүй олон байх юм.

Хамгийн сүүлд Италийн Ром хотноо жуулчилж байсан оросын иргэн алдарт Колизейн ханан дээр нэрээ сийлж үлдэх гэж яваад эхний үсгээ бичээд л баригджээ. Хотын шүүхээс хэдэн түүхийн дурсгалт объект дээр нэрээ сийлэхийг завдан бүдүүлэг авир гаргасан орост дөрвөөн сар хорих, гурван сарын дотор 20 мянган еврогийн торгууль төлөх ял оноожээ. Гэхдээ шоронд хорих хугацааг хойшлуулах нөхцөлтэй тул торгуулиа л төлж чадвал ахиж бүдүүлэг эр хоригдохгүй байх боломжтой. Италийн нутаг дээр, Европын холбооны нутаг дээр орохгүй байвал хоригдохгүй гэдгийг тодруулах хэрэгтэй байх.

Энэ бол он гарсаар гадаадын жуулчид Ромд ирээд түүхийн үнэт дурсгалтай нь ёс бусаар харилцсан дөрөв дэх тохиолдол гэнэ. Үүнээс өмнө Австралиас ирсэн эцэг, хүү хоёр хэдэн мянганы настай нэг дурсгал дээр нэрээ үлдээж байгаад баригдаж. Үүнифй дараа Канадаас ирсэн өсвөр насны хүүхэд мөн л нэрээ сийлэх гэж байгаад баригдсан бол бүр өмнө нь Бразилиэс ирсэн жаал баригдаж байжээ.

Тухай бүрт дандаа л хэдэн мянган жил дайн дажин, газар хөдлөлт, үер, үймээн бослогыг тэсч гараад үлдсэн барилга дээр нэрээ бичих гэж оролдсон байх юм. Дэлхийн түүхэнд нэрээ үлдээсэн эзэнт гүрний нийслэл Ром хотын түүхэн хэсэг олон мянган жилийн түүхтэй зөндөө дурсгал бий. Тэр бүхнийг үзэх гэж дэлхийн өнцөг бүрээс жилдээ дунджаар 10 сая жуулчин Ром хотноо ирдэг. Ийм нөхцөлд түүхийн дурсгалт зүйлд гамтай, хүндэтгэлтэй хандахыг эс шаардвал олон мянган жил тэссэн Колизей мэтийн байгууламж дээр нь нэрээ сийлж үлдээх гэсэн ганцхан хүний гарыг даалгүй юу ч үгүй нурж үгүй болох нь гарцаагүй.

0 Сэтгэгдэл
Хамгийн их уншсан