Билгийн

Доллар (USD)

Улаанбаатар

МАН Засгийн газрын бүрэлдэхүүнд орох эсэхээ хэлэлцэж байна

МАН-ын удирдлагууд өнөөдөр тус намын Зөвлөхүүдийн танхимын гишүүдээ хүлээн авч, Засгийн газрын бүрэлдэхүүнд орох эсэх болон Анхдугаар Үндсэн хууль батлагдсаны 90 жилийн ойг хэрхэн тэмдэглэх  талаар хэлэлцэж байна.

Хуралдаанд Н.Багабанди, Д.Содном, Ц.Нямдорж, Д.Лүндээжанцан, Ө.Энхтүвшин, У.Хүрэлсүх, Г.Занданшатар, Сү.Батболд нар оролцож байна. Хуралдааны эхэнд МАН-ын дарга М.Энхболд Зөвлөхүүдийн танхимын гишүүдэд хүндэтгэл үзүүлж, Анхдугаар Үндсэн хууль батлагдсаны 90 жилийн ойн бэлэг гардуулав. Энэ үеэр МАН-ын дарга М.Энхболд, “Засгийн газрыг хурдан байгуулахгүйгээс шалтгаалан төрийн ажил цалгардаж байна. Энэ хүнд нөхцлөөс гарахын тулд МАН Засгийн газрын бүрэлдэхүүнд орох эсэхийг манай намын бүх шатны төлөөлөл хэлэлцэж байна. Өнгөрсөн хугацаанд энэ асуудлаар МАН-ын бүлэг болон Удирдах зөвлөлөөр хэлэлцэн гишүүдийнхээ санал бодлыг сонссон. Өнөөдөр Монгол Улсад төрийн өндөр албан тушаал хашиж байсан туршлагатай хүмүүсээ хүлээн авч, саналыг нь сонсохоор та бүхнийг урьсан юм” гэлээ.

Гишүүдэд хүндэтгэл үзүүлж, бэлэг гардуулсны дараагаар хуралдаан хаалттай үргэлжлэж байна.

0 Сэтгэгдэл
Хамгийн их уншсан