Мэргэжлийн хяналтын байгууллагаас төмс, хүнсний ногооны зоорь агуулах, хүлэмжийн үйл ажиллагаа эрхэлдэг байгууллагуудад намрын тариа хураалтын ажил дуусах үеийг тохиолдуулан хяналт шалгалт хийсэн байна. Шалгалтын явцад томхон зөрчил дутагдалтай  гэх “Барс” худалдааны төвийн жимс, жимсгэний гурван зоорь, агуулахыг зөрчил арилгах хүртэл түр хугацаагаар зогсоох акт үйлдэж, дотоод хяналтыг мөрдөж ажиллаагүй, албан шаардлагын биелэлтийг хэрэгжүүлээгүй, хууль тогтоомж, стандартын шаардлагыг зөрчсөн 12 аж ахуй нэгж, иргэнд 5 сая 376 мянган төгрөгийн шийтгэвэрийн арга хэмжээ авчээ. Шалгалтын явцад 48200 тонн багтаамж бүхий 171 зооринд хадгалагдаж байгаа болон 111.7 га талбай бүхий 244 хүлэмжинд тариалсан 20 гаруй нэр төрлийн хүнсний ногоо,жимс жимсгэнэ,  хөрс, ургаж байгаа ургамлын навч иш, салаа мөчрийн нийт 541 дээжийг лабораторийн шинжилгээнд хамруулж, чанар, аюулгүйн шаардлага хангаагүй “Буянт бумба эрдэнэ” ХХК-ий  Киргиз улсаас импортлосон 6 тн лийрийг устгаж, 15 нэр төрлийн 113.0 мян.төгрөгний үнэ бүхий өвчилсөн төмс, хүнсний ногоог хураан, устгах, шилжүүлэх актаар Зуунмод сумын устгалын комисст хүлээлгэн өгч, устгуулах арга хэмжээ авсан байна.