Уул уурхайн салбар үүсч хөгжсөний 92 жилийн ой, уурхайчдын баярыг тохиолдуулан “Уул уурхайн салбарын оны шилдгүүд”-ийг шалгаруулахаар зэхэж байна.

Уул уурхайн яам, Ашигт малтмалын газар хамтран зохион байгуулж буй оны шилдэг шалгаруулах ажлын хүрээнд уул уурхайн салбарын аж ахуйн нэгж, компаниуд 5 номинацид нэр дэвших боломжтой аж. Тодруулбал тэргүүний хөрөнгө оруулагч, шилдэг технологи нэвтрүүлэгч, хөдөлмөрийн аюулгүй ажиллагааг эрхэмлэгч, тэргүүний нөхөн сэргээгч, шилдэг төсөл боловсруулагч аж ахуйн нэгж гэсэн номинацид уул уурхайн салбарынхан өрсөлдөх юм байна.