Шинэ ирж байгаа 2015 он их зөнч Нострадамусынхаар бол ихээхэн түгшүүртэй жил байх нь. Байгалийн болон техникийн томоохон сүйрлүүд тохиож олон хүний амь эрсдэнэ хэмээн тэрээр зөгнөжээ.

1503-1566 онд амьдарч байсан францын их зөнч Мишель Нострадамус ирэх онд болох үйл явдлууд манай дэлхийг ихээхэн өөрчилнө гэсэн гэнэ. Ирж байгаа 2015 онд дөрвөн ч улсын төрийн тэргүүнд халдаж олон улс оронд татвар өөрчлөгдөх  бололтой. Ирж байгаа онд хүний амьдралыг уртасгах жорыг нээж хүмүүс хамгийн багадаа 200 хүртэл наслах боломж бий болно гэжээ. Хэлний талаар ихээхэн дэвшил гарч улс үндэстнүүд нэгнийхээ бүү хэл амьтны хэлийг ойлгон харьцаж чаддаг болж хэд хэдэн оронд, ялангуяа Хятадад хүүхэд төрүүлэхийн тулд тусгай зөвшөөрөл авдаг болно гэнэ.
Эдийн засгийн хямрал олон орныг хамарч Холбооны Герман, Италид нүүрлэн амьдралын баталгаа хэвийн сайхан байх нэг ч орон үлдэхгүй бололтой. Хүмүүс өөрийнхөө хүчийг дайчлан бор зүрхээрээ л амьдрах болно гэж тэр хэлсэн гэнэ. Дүрвэгсдийн их цуваа Орос орныг чиглэх юм байна. Италид Везувий галт уул оргилно гэнэ. Америкт газар хүчтэй хөдөлсний улмаас хүмүүнлэгийн их гамшиг тохионо гэсэн байна.