Украины ерөнхийлөгч байснаа улс орноо бусниулж орхичхоод эх орноосоо зугтаан Орост төрийн томцуулын ивээлд нуугдаж байгаа Виктор Янукович одоо Москвад төрийн өндөр албан тушаалтнуудын амьдардаг Ландшафт тосгонд байна гэнэ. Энэ тухай оросын сэтгүүлч Олег Кашин оросын ерөнхийлөгч асан Борис Ельцины тухай өгүүлэлдээ дурджээ. “Ерөнхийлөгч нар Рублевкад хаана амьдардаг вэ” гэсэн энэ өгүүлэлд зураг хавсаргасан дотор Януковичийн байшин Михаил Горбачёв, Ильхам Алиев нарын байшинтай хөрш зэргэлдээ, Ново-Огарёв дахь ОХУ-ын өнөөгийн ерөнхийлөгч Владимир Путины харшаас ч нэг их холгүй байгаа юм байна.