“Глоб кредит” ХЗХ-ны захирал асан Ж.Мэндбаяр хорих ангийн удирдлагад дэглэм бууруулах шаардлага тавьж нойтон өлсгөлөн зарласан тухай хэвлэлийн хуудаснаа гарах болсон. Харин тэрээр дөрөв хоногийн өмнө нойтон өлсгөлөнгөө хуурайгаар нь сольсон гэнэ. Тиймээс түүний бие эрс муудаж байгаа тухай ч мэдээлэл байна.
Түүний дээрх шаардлагад хорих ангийн удирдлагууд 1000 орчим иргэнд арваад тэрбум төгрөгийн хохирол учруулсан учир дэглэмийг нь бууруулахгүй гэсэн хариу өгсөн гэнэ. Харин ХЗХ-ын хохирогчдын хувьд хэд хоногийн өмнө хэвлэлийн хурал зарлаж, Ж.Мэндбаярыг дэглэм бууруулахгүйгээр шууд суллах шаардлага тавьж буйгаа дуулгасан удаатай.