УИХ-ын дарга З.Энхболд өчигдөр Авлигатай тэмцэх газрын дэд дарга Ц.Нямдоржийг хүлээн авч уулзахдаа " Авлигатай тэмцэх газар сүүлийн үед иргэдийг шууд барьж хорих тохиолдлууд их гарч байна" гэж онцлон анхааруулав.
Авлигатай тэмцэх газар нь Эрүүгийн байцаан шийтгэх хуулийн 65, 67 дугаар зүйл ангиар буюу батлан даалт болон эд хөрөнгө барьцаалах зэрэг аргыг хэрэглэн гадуур байцаах аргыг хэрэглэхгүйгээр ихэнх тохиолдолд Эрүүгийн байцаан шийтгэх хуулийн 68 дугаар зүйл ангийг хэрэглэж байна. Гэтэл Эрүүгийн байцаан шийтгэх хуулийн 65, 67 дугаар зүйл ангиар буюу батлан даалт болон эд хөрөнгө барьцаалах зэрэг аргыг хэрэглэн гадуур байцаах хууль эрхзүйн орчин байгааг сануулав.өн Тахарын албаны тухай хууль шинээр батлагдсан бөгөөд хэргийн бодит байдлыг илрүүлэхэд саад болж буй тохиолдолд гэрч хохирогчийг хамгаалах, байцаагдаж буй этгээд бусдад нөлөөлөхөөс сэргийлэх, оргон зайлсан тохиолдолд тухайн этгээдийг эрэн сурвалжлах үндсэн чиг үүргийг хариуцан ажиллаж байна. Иймээс Авлигатай тэмцэх газар цаашид шинээр батлагдсан хууль эрхзүйн орчныг үйл ажиллагаандаа хэрэгжүүлж, бусдыг шууд барьж хорьдог бурангуй аргаас татгалзаж, бусад хуулийн шинэ боломжуудыг хэрэглэхийг анхаарууллаа.
