Аугаа их Эх орны дайны ялалтын 70 жилийн ойд зориулсан баярын арга хэмжээнд  ОХУ 28,5 тэрбум рубль зарцуулахаа хасахгүй гэж Кремль мэдэгдсэн байна.
“Хэдийгээр улс оронд санхүүгийн бэрхшээлтэй байгаа ч гэлээ ялалтын баярын арга хэмжээнд 28,5 тэрбум рубль зарцуулахаар өмнө төлөвлөснөө хасахгүй. Энэ бол их хөрөнгө” гэж ОХУ-ын Ерөнхийлөгчийн тамгын газрын дарга Сергей Иванов мэдэгдсэн байна. Гэхдээ энэ хөрөнгийн ихэнх нь баяр ёслолд биш, ахмад дайчдад бодит тусламж болж очно гэж тэр онцолжээ.