Билгийн

Доллар (USD)

Улаанбаатар

Ким Чен Уны ах Лондонд сураггүй алга болов


БНАСАУ-ын удирдагч Ким Чен Уны төрсөн ах 34 настай Ким Чен Чхоль британийн нийслэл Лондонд рок хөгжмийн ахмад гитарчин Эрик Клэптоны концерт үзсэнийхээ дараа нууцлаг байдлаар алга болжээ.
Өмнөд Солонгосын хэвлэлүүдийн мэдээлж байгаагаар бол тэрээр тавдугаар сарын 23-ны өдөр Москва, Бээжингээр дамжин Пеньянд эргэн ирэх ёстой байсан ч зорчигчдын нэрс дунд Ким Чен Чхоль гэсэн нэр байхгүй Москвагийн ч, Бээжингийн ч нисэх буудалд бүртгүүлээгүй байсан гэнэ.
Түүнийг хуурамч паспорт ашиглан маршрутаа өөрчилж хүмүүсийн хараанаас зугтсан байж магадгүй гэж сэтгүүлчид хардан бичиж байна.
БНАСАУ-ын удирдагч Ким Чен Уны төрсөн ах нэг их нэрд гараагүй, нууцлаг, 2011 онд эцэг Ким Чен Ирийгээ нас барснаас хойш анх удаа олны өмнө гарсан нь энэ. Түүнийг Лондонд болсон концертын үеэр хар савхин хүрэм, ерийн футболк, хар өмд өмсөөд нэгэн бүсгүй дагуулан явж байсан гэж японы TBS суваг пүрэв гарагт мэдээлсэн юм.
Тэрээр 2006, 2011 онуудад Герман, Сингапурт болсон Клэптоны концертуудаг бас үзэж байсан юм. Зарим эх сурвалжийн мэдээлж байгаагаар бол Ким Чен Чхоль нэрт хөгжимчнийг Бээжинд концертоо тоглоно уу хэмээн хувиараа урьсан гэнэ.
Нэгэн цагт эцэг Ким Чен Ир нь түүнийг өөрийнхөө оронд бэлтгэж байсан гэдэг ч тэрээр одоо Макаод амьдардаг юм.

0 Сэтгэгдэл
Хамгийн их уншсан