Монгол бүсгүй, жү-доч Галбадрахын Отгонцэцэг өнгөрсөн долдугаар сараас эхлэн олон улсын уралдаан тэмцээнд Казахстан улсын нэрийн өмнөөс  оролцож эхэллээ. Шинэ улс орондоо хэрхэн амьдарч байгаа тухай гэрэл зургуудаа  тэрээр Instagram-даа нийтэлснийг Vesti.kz мэдээлжээ.

Отгонцэцэг эх орондоо нэр хүндтэй, өндөр амжилттай хэдий ч өөрийн барилддаг 48 кг-ын жинд Мөнхбатын Уранцэцэгийн дараа  хоёр дахь нь болж байгаагаас Риод болох зуны олимпод барилдаж чадахгүйд хүрээд байгаа юм.

                                Г.Отгонцэцэг, М.Уранцэцэг хоёрын барилдаан

2015 оны нэгдүгээр сард Казахстан Монголын жү-догийн холбоо гэрээ байгуулснаар тэрээр Казахстаны нэрийн өмнөөс барилдахаар Тараз дахь бэлтгэлийн байранд ирсэн юм. Казахстаны шигшээ багийн тамирчин Отгонцэцэг энд шинэ багийнхантайгаа 23 насны төрсөн өдрөө тэмдэглэсэн байна.

Казахстанд ирээд анхны тэмцээн спартакиадын аварга болсныхоо дараахан зургадугаар сард Отгонцэцэг Казахстаны паспорт гардан авсан юм. Казахстаны дотоодын тэмцээнүүдэд тэр Шимкентийг төлөөлөн оролцож байна.

Наймдугаар сард Астанад болох дэлхийн аваргын тэмцээнд амжилттай оролцвол Отгонцэцэг 2016 оны олимпод оролцох эрх гардан авна.

2014 онд казахстаны Астанад болсон Гран-при тэмцээнд ялж байхдаа ч хагас жилийн дараа энэ улсын иргэн болно гэж зүүдлээч үгүй байсан гэдэг.

Отгонцэцэг одоо казах, орос хэлний ярианы хэлтэй болж багийнхантайгаа ойлголцдог болоод амжжээ.