ОХУ-ын ерөнхийлөгч Владимир Путин есдүгээр сарын 3-нд Бээжинд болох цэргийн парад үзэхээр очихдоо хятад түншүүддээ өвөрмөц бэлэг барьж сюрприз болгоно гэж БНХАУ-д суугаа ОХУ-ын Элчин сайд Андрей Денисов хэлсэн байна. Тавдугаар сарын 9-нд Москвад болсон цэргийн парадын үеэр оросын алдарт “Катюша” дууг дуулж Путины сэтгэлийг хөдөлгөсөн хятадын цэргийнхэнд тэрээр ийм байдлаар бэлэг барих гэж байгаа бололтой. Харин чухам ямар бэлэг болохыг Денисов хэлээгүй байна.
Путин ямар нэгэн хятад дуу дуулах уу гэсэн асуултад  Денисов , "Юутай ч тэвчээртэй хүлээ, тэгээд хар" гэжээ.
Оросын цэрэг дайчид Хятадын нийслэл Бээжингийн төв талбай Тяньаньминий талбайд японыг ялсны 70 жилийн ойн парадад жагсах юм.